Ana Səhifə
Haqqımızda
Müalicələr
Bələdçi
Xidmətlər
- Fibo Aesthetic
- Fibo Hair
Xəstəxanalar
Əlaqə

Plastik Cərrahiyyə

Süd Vəzinin Kiçildilməsi Əməliyyatı

Süd vəzinin kiçildilməsi əməliyyatı həm tibbi, həm də estetik səbəblərlə edilə bilər. Süd vəzilərinin böyük ölçüdə olması, xəstəyə fiziki və estetik baxımdan narahatlıq gətirir, asimmetriya, süd vəzin ölçüsü və çəkisi ilə bağlı çiyin, boyun və kürək nahiyəsində ağrıların olması süd vəzin kiçildilməsi əməliyyatının əsas göstəriciləridir.

Süd Vəzinin Kiçildilməsi Cərrahiyyəsi Niyə Lazımdır?

Süd vəzi altında töküntü, göbələk, infeksiya və ya yara əmələ gəlməsinin qarşısının alınması, həmçinin büstqalter qayışlarının səbəb olduğu yaraların aradan qaldırılması süd vəzi kiçiltmə əməliyyatının bəzi səbəblərindəndir. Artıq çəki, hamiləlik, ana südü ilə qidalanma, hormonal dəyişikliklər, müəyyən pozğunluqlar və yaş kimi faktorlar da süd vəzinin böyüməsinə və ya formasının pozulmasına səbəb ola bilər.

Əməliyyatın Məqsədi

Süd vəzi ölçüsü ilə bağlı həm estetik, həm də sağlamlıq problemlərini düzəltmək üçün süd vəzi kiçiltmə əməliyyatı edilir. Süd vəzi kiçiltmə əməliyyatının məqsədi bərabər ölçüdə, simmetrik və estetik görünüşlü, xəstənin istədiyi ölçüdə, mümkün olan ən az çapıqla süd vəzi əldə etməkdir.

Əməliyyatdan Sonra Nələrə Diqqət Edilməlidir?

Süd vəzi kiçiltmə əməliyyatından sonra evdə ən azı 3, optimal olaraq 7 gün istirahət etmək tövsiyə olunur. Həkiminizin təyin etdiyi antibiotikləri və ağrıkəsiciləri göstərilən dozada və vaxtda qəbul etməyiniz mütləqdir. Süd vəzilərinizi sıxmayan və yırğalanmasının qarşısını alan büstqalterdən istifadə etmək də ağrıları azaltmaq və süd vəzilərinizi formalaşdırmaq baxımından əhəmiyyətlidir. Əməliyyatdan sonra həkim mümkün infeksiya riskini azaltmaqla yanaşı, sağalmanı sürətləndirən sarğı günlərini təyin edir. Təxminən 4 həftə ərzində ağır yükləri daşımayın/qaldırmayın, əllərinizlə ani itələmə və çəkmə hərəkətlərindən qaçınmaq lazımdır.

Fibo Health Türkiyənin nüfuzlu xəstəxanalarında, öz sahəsində ən məşhur professional həkimlərlə pulsuz online – müayinələr və müasir müalicə üsulları təklif edir.

Biz bütün proses boyunca ilk tanışlığımızdan başlayaraq müalicənizin sonuna qədər və Türkiyədə olduğunuz müddətcə sizinlə əlaqədar olacağıq. Türkiyəyə gəlişinizdən öncə bizə xəstəliyinizə aid olan test və müayinələrinizin nəticələrini göndərirsiniz, biz də sizə fərdi müalicə planınızı, həmçinin proses, ödəmə, xəstəxana və s. haqqında ətraflı məlumatı təqdim edirik.